Friday 19 October 2012

ပျော်ကျနေတဲ့ မပျော်ရွှင်မှုထဲ ပျော်ဝင်နေတဲ့ အရေးအသား




ရင်နဲ့ တူးနေတဲ့လမ်းက ဥယျာဉ်ပန်းမန် သစ်သီးဝလံ နဲ့ မဟုတ်ဘူး  မီး
ကျွမ်းနေတဲ့ ပေါင်မုန့် ခြောက်ကြီးနဲ့ မျက်နှာပေါက်ခပ်ဆင်ဆင်  ဘဝဟာ
ဒီနေရာလေးမှာ ပေရပ်မနေချင်လို့ ဟိုနေရာလေး နည်းနည်းတိုးကြည့်တဲ့
သဘော  အလွတ်ရပြီးသား စားသားတွေကိုပဲ ဗားရှင်းပြောင်း
ဆိုရုံနဲ မလုံလောက်သေး  ကာယလေ့ကျင့်ခန်းလုပ်သလို တစ်မျိုး
ပြောင်း  မကျေနပ်သေးရင် နောက်တစ်မျိုး ထပ်ပြောင်း ပင်မရေစီး
ကြောင်းကနေ ဖြာတွက်လတ္တံ့ ရှိသော မြစ်လက်တက်များ ရုပ်ရှင်
ထဲက ဒိုင်ယာလော့ဂ်တွေတောင် ဆော်တွေ စောက်တွေနဲ့ အလုံးအရင်း လွတ်/ရွေ့ 
လာ အသံဗလံတွေကို သံတစ်ချောင်းလို  မြုပ်ဝင်အောင် ရိုက်
ထည့်ထားတဲ့ မြို့ကြီး  ကားတစ်စီးက ကားတစ်စီးကို လမ်းတောင်း
တယ်  လူတစ်ယောက်က လူတစ်ယောက်ကို ထမင်းဖိုးတောင်း
တယ် ကောသလ အိပ်မက်တွေက ကောလာဟလ
မဟုတ်ဘူး  ခေတ်ကာလရဲ့ သားပျို သမီးပျိုလေးတွေက အထူးဝန်
ဆောင်မှု ပေးနေပါသည်  စပွန်ဆာကို စမူဆာလို အချည်ရည်နဲ့ တို့ စားနည်း 
မြိန်ရေယှက်ရေ မြောင်းထဲက ခြင်တွေက တစ်ရပ်ကွက်လုံးကို ကုတ်သွေးစုပ်
နေပါပြီ  လမင်းကြီးဟာ ဘဏ်ကဒ်ထဲမှာပဲ သာတတ်သလား သာတူညီမျှ
ဟာ တစ်ဖက်တည်းကိုပဲ စောင်းပြီးနင်းနေတယ် လီဗာပြင်းပြင်း ပလက်ဖောင်းပေါ်
မောင်းတက်လာတဲ့ကားကို အချိန်မီ ကန်ချပစ်
လိုက်ချင်တဲ့စိတ်  ကျွန်တော်လည်း ဘရိတ်ပေါက်နေတဲ့လူ တစ်ယောက်ပါ မတရားမှု
ဟာ  တစ်ချက်တည်းနဲ့ ကျင်းဝင်သွားတယ် ကယ်ဆယ်ရေး
စခန်းတွေကို zoon ဆွဲကြည့်ရအောင်  အမေရိကန်နဲ့ တရုတ်
စစ်တုရင်ကစားနေသည်  လိုအပ်ချက် အရ မလိုအပ်တာတွေ ထိုးကျွေးနေတဲ့
ဗျူဟာ အခုတလော ရခိုင်မုန့် တီက လည်ပင်းတည့်တည့်မှာ နင်နေ
တောင်ကိုရီးယား နဲ့ မြောက်ကိုရီးယား တစ်ဂိုးစီ သရေကျ
သွားတာ အထူးပြုလုပ်ချက် တစ်ခုလား ဦးနှောက်ကို သံချေးတက်စေသူ
ဂုဏ်သရေရှိ ကယ်လ်ကူလိတ်တာကြီးငဲ့ ကမ္ဘာကြီးဟာ နည်းပညာရဲ့ လက်ဝါးကြီးအုပ်မှုကို ခေါင်းငုံ့ 
ခံနေရရှာပါတယ် မင်္ဂလာလေဆိပ်ကြီးက ခေတ်သစ်
ကျွန်တွေကို အိမ်တိုင်ရာရောက် လိုက်လံ ပို့ ဆောင်ပေးနေပါသည်  ငွေရေ
မင်းချုပ်ကိုင်ချယ်လှယ်လို့ ဝရင်လည်း လူ့ ယဉ်ကျေးမှု ကွန်ယက်ကြီးထဲကနေ အပြီး
အပိုင် ထွက်ခွာသွားပါတော့

                            
                              လင်းလက်တာရာ
                                                                    19,10,2012
                                                                       am 1;34

No comments:

Post a Comment