Tuesday 21 August 2012

မြစ်ဆုံမှာ ဝတ်မှုံတွေ စိမ့်ဝင်ပျံ့ နှံ့ 

နည်းပညာဟာ
သဘာဝတရားကို ပွဲတော်တည်ဖို့ 
ပလုတ်ကျင်းနေတဲ့အချိန်
အမှန်တရားဟာ
ချိုးဖြူငှက်တစ်ကောင်လို
ငြိမ်းချမ်းရေးကို ရဲဝံ့စွာ ကိုက်ချီပျံသန်းလာပြီ
ဧရာဝတီရေ
ချစ်သော ငါတို့ ရဲ့ အသက်သွေးကြော ရေချိုမြစ်ကြီးရေ
ငါတို့ မြေမှာ
မင်းရဲ့ ကိုယ်လက်အင်္ဂါတွေကို
တစ်ထွာတစ်မိုက်လေးတောင် အပျက်အစီးမခံနိုင်ဘူး
ငါတို့ မြေမှာ
မင်းရဲ့ ယဉ်ကျေးပျိုမျစ်ခြင်းတွေကို
တစ်စက်တစ်ပေါက်လေးတောင် အကျအပေါက်မခံနိုင်ဘူး
အဓမ္မသုတ်လိမ်းခံရတဲ့
မင်းပါးပြင်ထက်က ကွန်ကရစ်အနံ့ တွေအစား
ငါတို့ ပြည်သူတွေ
သနပ်ခါးသွေးနေကြပြီ။            ။

                                                    လင်းလက်တာရာ
                                                       ၂၁၊၈၊၂၀၁၂

No comments:

Post a Comment