မိုးပူပူ နေရွာရွာပါပဲ မေမေ
ကျွန်တော်ချစ်တဲ့ နှင်းစက်တွေကို
ရှာပုံတော်ဖွင့်ရတာ ခက်တယ်
အရိပ်တွေက စိတ်တွေထဲ
နစ်ဝင်ခြောက်လှန့် လွန်းတော့
ကျွန်တော့် အိပ်မက်အသစ်တွေလည်း
တစိမ့်စိမ့် မွန်းကျပ်နေရရှာတယ်
သံသရာကပဲကျယ်လွန်းတာလား
ကျွန်တော့် လွတ်လပ်မှုတွေကပဲ ကျဉ်းမြောင်းတာလား
ဝင်္ကပါဆန်ဆန် ပစ္စုပ္မန်လမ်းကြမ်းထက်မှာ
ခါးသက်သက်ဘဝတွေနဲ့ ပဲ
လက်ဆွဲနှုတ်ဆက်နေရတယ်
ဒုက္ခနဲ့ အကြည့်ချင်း တစ်ခါဆုံတိုင်း
တုန်ယင်နေတဲ့ နှလုံးသားကို
ကော်ဖီပူပူလေးတစ်ခွက်တိုက်ခဲ့တဲ့
သူငယ်ချင်းချစ်သူ တောင်ပေါ်သူလေးကို လွမ်းတယ်
ပြီးတော့ ရန်ကုန်ဆောင်းမှာ
ကဗျာကျောင်းတွေ တက်ခဲ့ပုံကိုလည်း လွမ်းတယ်
'ဘယ်လိုပဲဖြစ်ဖြစ်
နှင်းကို ကျွန်တော်ဖွဲ့ နွဲ့ ရမှာပါ' တဲ့
ကိုအောင်မိုးရေ
ခင်ဗျားရေးတဲ့ ကဗျာထဲကလို
ကျွန်တော်လည်း နှင်းကို ဘယ်လိုပဲဖြစ်ဖြစ်
ခင်းကျင်းဖွဲ့ ဆိုလိုက်ပါတယ်
စွတ်ဆိုနေတဲ့ မျက်ရည်တွေနဲ့ ။ ။
(အမှတ် ရ၀၊စက်တင်ဘာ၊၂၀၁၁၊ရယ်စရာရသစုံမဂ္ဂဇင်း)
လင်းလက်တာရာ
No comments:
Post a Comment