ကွန်နက်ရှင် ကြိုးတန်းပေါ် လမ်းလျှောက်နေတဲ့ ကမ္ဘာ

သတိထား သားကြီး မင်းသတ္တိတွေကို ထားခဲ့လို့ မဖြစ်ဘူး
ငါတို့ သွားနေတဲ့လမ်းက အတိမ်းအစောင်းများတယ် အချိုးအကွေ့ ထူထပ်တယ်
လိုအပ်ရင်လိုအပ်သလို ဘရိတ်အုပ် မလိုအပ်ရင် မလိုအပ်သလို ခုန်ကျော်
ရေကိုရေနဲ့ ရောသလို သွေးကိုသွေးနဲ့ ရောသလို ငါတို့ လူငယ်ဘဝဟာ တစ်သားတည်း
မင်းကိုယ်ပေါ်မှာ ပေကျံနေတဲ့ စက်ဆီတွေ ငါ့ဦးရည်ဖျားထဲကနေ စီးကျလာတဲ့ ချွေးတွေ
ပစ္စုပ္မန်ကြမ်းကြမ်းမှာ ငါတို့ စုတ်ချက်တွေ ကြမ်းတာ ဆန်းသလား
အဆိပ်အတောက်များများလာတဲ့ လောကကြီးထဲ လူသားဆန်မှုတွေကလည်း ခါးခါးလာပြီ
လာ သားကြီး မင်းမီးခြစ်နဲ့ ငါ့ဖယောင်းတိုင်လေးကို လင်းကြည့်ကြရအောင်
သူငယ်ချင်းဆိုတာ စစ်တလင်းက ကျည်ခွံတွေ မဟုတ်သလို
လျှို့ ဝှက်ရေးဆွဲထားတဲ့ နြူးကလီးယား စီမံကိန်းလည်းမဟုတ်ဘူး
ပန်းပေါင်းတစ်ထောင် ဖူးပွင့်နေတဲ့ ဥယျာဉ် အလံဖြူတစ်ထောင် လွှင့်ထူထားတဲ့ တောင်တန်း
လောကဓံရဲ့ တသောသောရယ်မောသံတွေကြားမှာ ယုံကြည်ချက်တွေ ပခုံးချင်းဖက်လို့ 
မင်းအိပ်မက်တွေကို ကောင်းကင်သစ်ဆီ ရဲရဲဝံ့ဝံ့ ပစ်တင်လိုက်စမ်းပါ
ချစ်ခြင်းတရားရဲ့ ခွာသံတွေကို ရင်တံခါးဖွင့်ပြီး နှုတ်ခွန်းဆက်သလိုက်စမ်းပါ
တွေဝေမှုက မင်းကို ချောင်ပိတ်ရိုက်နေတာလား တွန့် ဆုတ်ခြင်းက မင်းကို ဗုံးကြဲခိုင်းနေတာလား
အလွမ်းဧရိယာထဲမှာပဲ စိတ်ကိုစိတ်လွတ်ကိုယ်လွတ် တိတ်တ်ိတ်လေးလွှတ်ကျောင်းနေတော့မှာလား
မြတ်မြတ်နိုးနိုး မြိုချထားတဲ့မင်းအမြုတေကိုပဲ ငါ အားမလိုအားမရကုပ်ခြစ်တူးဖော်ပစ်မိတော့မယ်
လူ့ ပတ်ဝန်းကျင်ကြီးကိုက ညှော်လွန်းပါတယ်ကွာ
နယ်ခြားစည်းတွေကိုက ဟုန်းဟုန်းတောက်လွန်းပါတယ်ကွာ
အနုပညာရဲ့ ကျောက်ဖျာက တဖြည်းဖြည်း တင်းလာနေပြီ
မင်း ဝါးလုံးခေါင်းထဲမှာ ဘယ်လမင်းလေး ဝင်သာနေတာလဲ
မင်း status ထဲက အပိုင်းပိုင်းအစစတွေကရော ဘယ်တော့ ကဗျာရှည် ဖြစ်လာမှာလဲ
လျော့သောက်ကွာ ရှေ့ မှာ ငါတို့ ကူးဖြတ်ရမယ့်မြစ်ကြီးက တဝေါဝေါ
ဒိုင်အောဂျီးနီးဇ်က ပြောတယ် “နေရောင်လည်း အိမ်သာထဲ ဝင်တာပဲ
အဲဒီအတွက်နေဟာ ညစ်ပတ်သွားသလားတဲ့”
ငါ့ဘာသာစကားထဲက ပေါရာဏတွေကိုတော့ မင်းနားလည်နိုင်မှာပါ
နှလုံးသားမှာ ဆူးတွေ ရဲ နေတဲ့ ဆူးရဲရေ
မင်းပေးတဲ့ ခေါင်းစဉ်အောက်မှာ မင်းအကြောင်းတွေ ချရေးလိုက်မိတာ ငါ့ကိုဆဲတော့ကွာ သားကြီး

လင်းလက်တာရာ
၁၅၊၁၊၂၀၁၂