(၁)
“အုန်းတောရွာ”တဲ့။
အုန်းပင်တွေသာမရှိရင် ကျုပ်တို့ ရွာဟာ အုန်းတောရွာ လို
့တွင်လာစရာ အကြောင်းမရှိဘူး။ တစ်ရွာလုံး အုန်းပင်တွေနဲ့ ဂျမ်းထောနေတာ။
တောင်ကုန်းတစ်ခုပေါ်ကနေ ကြည့်လိုက်မယ်ဆိုရင် အစိမ်းရင့်ရင့်
နဂါးကြီးတစ်ကောင် အမောက်ထောင်နေသလိုမျိုး။
အုန်းပင်တွေ တလူလူထူချက်ကတော့ ရွာနှီးချုပ်စပ်ကရွာတွေ ငေးယူရတဲ့
အထိပဲ။ အုန်းတောရွာအကြောင်းပြောရင် ဦးအုန်းမြိုင်က မပါမဖြစ်။ ဦးအုန်းမြိုင်အကြောင်း
ပြောရင်လည်း သူ့ အုန်းခြံကြီးက ကပ်ပါလာစမြဲ။ အုန်းတောရွာသာ နဂါးကြီးတစ်ကောင်ဆိုရင်
အမောက်ထောင်နေတဲ့ နေရာက ဦးအုန်းမြိုင်ရဲ့ အုန်းခြံကြီးပဲ။ နည်းတာမဟုတ်ဘူး။ ရွာဖျားမှာ
ရှိတဲ့ သူ့ အုန်းခြံကြီးက ဟီးဟီးကိုထလို့ ။
လူတစ်ကိုယ် အရူးတစ်မျိုးဆိုသလို ကျုပ်တို့ ရွာက
ဦးအုန်းမြိုင်ကြီးကတော့ နာမည်နဲ့ လိုက်အောင် အုန်းရူးရူးတာ။
ဘယ်လောက်ထိရူးသလဲဆိုရင် သူ့ သားနှစ်ယောက်
ရဲ့နာမည်တောင် အုန်းပိုင်နဲ့ အုန်းခိုင် လို့ မှည့်ထားတာသာကြည့်ပေတော့။ အုန်းမျိုးအုန်းနွယ်
လို့ ပဲဆိုကြပါစို့ ။ ဦးအုန်းမြိုင်ကမုဆိုးဖို။ သူ့ မိန်းမ ဒေါ်ခင်ကြည်
ဆုံးပါးခဲ့တာ ၇ နှစ်လောက်ရှိပြီ။ အကြီးကောင် အုန်းပိုင်က တက္ကသိုလ်
ပထမနှစ်တောင် တက်နေပြီ။ အငယ်ကောင်က ၉တန်း။ သားနှစ်ယောက်စလုံးကိုမြို့မှာပို
့ထားတာ။ ကျောင်းပိတ်တဲ့ အချိန်ပဲ ရွာမှာတွေ့ ရတယ်။
ကျုပ်တိူ့ ရွာမှာတော့ ဦးအုန်းမြိုင်က မျက်နှာကြီးပဲ။
ငွေတိုးပေးစားတယ်။ မဆပ်နိုင်ရင် အုန်းပင်တွေ သိမ်းတယ်။ ရွာထဲက
အုန်းပင်တော်တော်များများတောင် သူပိုင် အုန်းပင်တွေ ဖြစ်ကုန်ပြီ။ အုန်းကို
အဲသလို ရူးတာ။
သီးလိုက်တဲ့ အုန်းပင်တွေကလည်း တစ်နှစ် တစ်နှစ် ဝင်ငွေ
မနည်းဘူး။ မြို့ပေါ်မှာတောင် အုန်းတောမြိုင်အုန်းသီးက နာမည်ကြီးတယ်။
ဈေးကွက်မှာ နှာတစ်ဖျား သာတယ်။ အုန်းသီးတွေကလည်း လှပြီး အသားထူတာကိုး။
အဲဒီ အုန်းသီးလှလှကြီးတွေကို မြေခပေးသူက ဖိုးအေး။ အသက်က
ရှိလှမှ ၁၅နှစ်။ အုန်းပင်တက်ကတော့ကျွမ်းသလားမမေးနဲ့ ။ဖတ်ဖတ်နဲ့ တက်သွားတာ
မျောက်တစ်ကောင်
လား မှတ်ရတယ်။ အဲဒီလို ကျွမ်းကျင် အဆင့် ရောက်အောင်ပဲ ဦးအုန်းမြိုင်က ပုံစံခွက်ထဲ ရိုက်ထည့်ခဲ့တာ။
ဖိုးအေးဘဝက ကြမ်းတယ်။ သူ့ ကိုမွေးပြီးချိန်မှာပဲ သူ
့အမေမိလုံး မီးတွင်းထဲမှာဆုံးတယ်။ သူ ၁၀နှစ်သားရောက်တော့ သူ့ အဖေသံခဲက
ပိုးထိပြီး သူ့ ကို ထားခဲ့ပြန်တယ်။
တစ်ကောင်ကြွက်ဖြစ်သွားတဲ့ဖိုးအေးကို ဦးအုန်းမြိုင်ကသူ့ အုန်းတောကြီးထဲမှာ
ခေါ်ထားလိုက်တယ်။ တစ်ရွာလုံး ဦးအုန်းမြိုင်ကို ကျေးဇူးတင်လို့ 
မဆုံးဘူး။ ဒါပေမယ့် မကြာဘူး။ မင်းသားခေါင်းဆောင်းထားတဲ့
ဘီလူးကအစွယ်တဖွေးဖွေး ပေါ်လာတော့တာပဲ။
ဖိုးအေးကို ကျောင်းထားပေးဖို့ နေနေသာသာ။ ဝတ်ရတော့အစုတ်၊
စားရတော့ တစ်လုပ်တစ်ဆုပ်ဆိုသလို စားရင်းငှား တစ်ယောက်ထက်တောင်
ပိုပြီးမဆက်ဆံခဲ့ဘူး။
၁၃ နှစ်သားအရွယ်မှာပဲ အုန်းပင်စတက်ခိုင်းတယ်။ အုန်းပင်အောက်မှာ ကျိန်လုံးတစ်ချောင်းနဲ့ 
စောင့်ပြီးတော့ကို မောင်းတာ။ မတက်နိုင်လို့ ပြန်လျှောကျလာရင် ကျိန်လုံးနဲ့ ရိုက်ပြီး ပြန်တက်ခိုင်းတယ်။
ဗိုက်မှာ အမာရွတ်၊ လက်မှာ အသားမာ ၊ ကျောမှာ အဆင်းရာတွေ
ဗရပွနဲ့ ပဲ ဖိုးအေး အုန်းပင်တက်သမားဖြစ်လာတယ်။ ၁၅ နှစ်သားမှာတင်
ကျွမ်းကျင်အဆင့်ကို
ရောက်နေပြီ။ အရင်က တစ်ဦးတည်းသော အုန်းပင်တက်သမားဖြစ်တဲ့ ချက်စူ ကို
ငှားပြီး အုန်းသီးတွေ ချခဲ့တဲ့ ဦးအုန်းမြိုင် ပိတိပြုံးတွေဝေပြီပေါ့။
ဖိုးအေးက ချက်စူကို ယှဉ်နိုင်တဲ့ အပြင် အမြင့်မားဆုံးဆိုတဲ့
သက်တမ်းရင့်ပင်ကြီးတွေကိုတောင် အိမ်ဦးနဲ့ ကြမ်းကပျဉ်လို
ခြေရာချင်းထပ်နေပြီဆိုတော့။
တစ်ရွာလုံးကတော့ ဖိုးအေးလေးကို သနားဂရုဏာ သက်ကြတယ်။
ဦးအုန်းမြိုင်ကြီးကတော့“ ဒီယုန်မြင်လို့ ဒီခြုံထွင်တယ် ”ဆိုတဲ့
ဆိုရိုးစကားထဲ တန်းဝင်သွားတော့တာပဲ။ ဘာပဲ ဖြစ်ဖြစ် သင်္ကြန်မှာ ပိတောက်က
ဇာတ်လိုက် ဆိုရင် ကျုပ်တို့ အုန်းတောရွာရဲ့ ဇာတ်လိုက်က ဖိုးအေးကလွဲပြီး ဘယ်သူများ ဖြစ်လာနိုင်ဦးမှာလဲ။
(၂)
မိန်းမက နတ်အုန်းသီး အလိုရှိတယ် ဆိုလို့ 
ကျုပ်ခေါင်းစားသွားတယ်။ နတ်အုန်းသီးဆိုတာ ကြွက်မြီးလှမှ ကောင်းမှ သုံးကြတာ။
အိမ်မှာ အုန်းပင်ရှိပေမဲ့ ကျုပ်က အဖြစ်ရှိတဲ့ကောင်မဟုတ်။ အုန်းပင်
ခါးလယ်လောက်ရောက်ရင်တောင် ဒူးတုန်ရင်တုန် တစ်ကိုယ်လုံးတုန်နေတာ။ မဖြစ်ဘူး။
ဝယ်သုံးရတော့မှာပဲ။
ပထမတော့ ချက်စူကို ငှားပြီး တက်ခိုင်းမလို့ ပဲ။
ဒီကောင် အခုနောက်ပိုင်း အသောက်များနေတော့ သိပ်မငှားရဲဘူး။ တော်ကြာ၊
မူးမူးနဲ့ ချော်ကျနေမှဖြင့်....။ ဒီလိုနဲ့ ပဲ ဦးအုန်းမြိုင်ရဲ့
အုန်းတောကြီးဆီ ခြေဦးလှည့်မိ တယ်ဆိုပါတော့။
“ဟေ့ကောင် ဖိုးအေး၊ ငါအုန်းရည်သောက်ချင်တယ်။ အရည်သောက်တစ်လုံး တက်ခူးပေးစမ်း”
ဦးအုန်းမြိုင်သား အငယ်ကောင် အုန်းခိုင်ရဲ့ အမိန့် သံက
ကျုပ်ခြေထောက်တစ်စုံကို တုန့် ခနဲ ဖြစ်သွားစေတယ်။ လေသံက
လက်ညှိုးငေါက်ငေါက်ထိုးပြီး ခိုင်းတဲ့ တံဆိပ်ကြီးကြီးရဲ့ အသံမျိုး။
မာဆတ်ဆတ်။ ဂျွတ်ထန်ထန်။ အုန်းခိုင်နဲ့ ဖိုးအေးက သက်တူရွယ်တူ။
မြို့ကျောင်းမှာ ပညာသင်နေတဲ့ ဒီကောင်လေး ပါးစပ်က ဒီလိုအသံမျိုးတွေ
ထွက်ကျလာတော့ ကျုပ်ရင်ထဲ ကျင်ခနဲ ဖြစ်သွားတယ်။
ကြည့်လိုက်တော့ ဖိုးအေးက အုန်းပင်အလယ်လောက်တောင် ရောက်နေပြီ။
ဟော.... တစ်ဖတ်ဖတ်နဲ့ တက်သွားတာ ခဏလေးအတွင်းမှာပဲ အုန်းပင်ထိပ်ကို
ရောက်သွားတယ်။ လက်လှမ်းမီတဲ့အုန်းသီးစိမ်းတစ်လုံးကို ဆွဲလိမ်ခူးယူပြီး အောက်ကို ပစ်ချပေးမယ် အလုပ်...
“ဟေ့ကောင် ငတုံး... ပစ်မချနဲ့ ။ အုန်းရည်ချဉ်သွားမှာပေ့ါကွ”
အုန်းချိုရဲ့အသံက ခက်ထန်မာကျောနေတယ်။ ဖိုးအေးကတော့ ဘာမှ
ပြန်မပြောဘူး။ အုန်းသီးအညှာကို ပါးစပ်ကကိုက်ပြီး အောက်ကို ဆင်းလာတယ်။
ကျုပ် အသည်းတွေ တယားယား။ အုန်းပင်က လေတိုက်လို့ ယိမ်းခါနေတယ်။ ဖိုးအေးကတော့ အေးဆေးပဲ။
အောက်ရောက်တော့ အုန်းသီးကို ဓါးနဲ့ ခွဲပြီး
အုန်းချိုကိုပေးတယ်။ အုန်းချိုက အုန်းရည်ကို တဂွတ်ဂွတ်နဲ့ သောက်ပြီး...
“ ငါ့ကို အုန်းရွက်ဖူး လှလှတစ်ခု တက်ခုတ်ပေးဦး။ ကန်ထဲမှာ
လှေလွှတ်တမ်းကစားမလို့ ”
ချက်ချင်းဆိုသလို ဖိုးအေး
အုန်းပင်ပေါ်ရောက်သွားပြန်တယ်။ အလှဆုံး အုန်းရွက်ဖူးကို ရွေးပြီး ခုတ်တယ်။
အောက်ကို ပစ်ချပေးမယ်ကြံတော့...
“ ဟေ့ကောင်ငပိန်း...ပစ်ချလိုက်ရင် လှေဦးကျိုးသွားမှာပေါ့ကွ”
အုန်းချိုက ခါးထောက်လျှက်တန်းလန်းနဲ့ အော်ပြောတယ်။
ဖိုးအေး ၊ အုန်းရွက်ဖူးကို ပါးစပ်နဲ့ ကိုက်ပြီးဆင်းလာတယ်။ ယိမ်းထိုးနေတဲ့
အုန်းပင်ထက်မှာ ဖိုးအေးရဲ့ လှုပ်ရှားမှုက အသက်ရှူမှားလောက်စရာ။
အောက်ရောက်တော့...
“ သောက်သုံးမကျတဲ့ကောင်...ကန်းနေလား။ဒီမှာတစ်ဖက်စောင်းနေတာ။
နောက်တစ်ပင်တက်။ ဒီထက် လှတာ ခုတ်ပေး”
ကျုပ်နားတွေ ခံနိုင်ရည် မရှိတော့ဘူး။ လေးလံ ထိုင်းမှိုင်းတဲ့ ရင်ဘတ်အစုံနဲ့ ပဲ ချာခနဲ လှည့်ထွက် လာခဲ့တယ်။
(၃)
ချက်စူ ၊ အုန်းပင်ပေါ်က ပြုတ်ကျပြီး ဆုံးတဲ့ သတင်းက
ကျုပ်တို့  အုန်းတောမြိုင် ရွာကလေးကို သိမ့်သိမ့်တုန်သွားစေတယ်။ တစ်ရွာလုံး
ချက်စူကို ဂရုဏာသက်လို့ မဆုံးဘူး။.
“ကိုချက်စူရေ...ရှင် သိပ်ကြိုက်ပါတယ်ဆိုတဲ့ အရက်က
ရှင့်ကို သတ်လိုက်ပြီ မဟုတ်လား။ ကျုပ်တို့ သားအမိ ၄ ယောက်ကို
ထကြည့်ပါဦးတော့”
ချက်စူ မိန်းမ ဘုတ်ဆုံခမျှာ မပဋ္ဋာမြေလူးပဲ။ လူမမယ်ကလေး ၃ ယောက်နဲ့ 
ရှေ့ ဆက်ရမယ့် ဘုတ်ဆုံရဲ့ အနာဂတ်ကို တွေးပြီး တစ်ရွာလုံးက ရင်လေးနေကြတယ်။
ချက်စူ အသုဘ ချတော့ အခေါင်းကို အင်နဲ့ အားနဲ့ ဝင်ထမ်းသူက ဖိုးအေး။
အသက်က ၁၅ နှစ်သာဆိုတယ် ရွာမှာရှိတဲ့ ကာလသားပေါက်တွေထက် ဖွံ့ ထွားသန်မာတယ်။
အုန်းပင် ဖက်တက်နေကျ လက်ကြမ်းကြမ်းဟာ ချက်စူ အခေါင်းကို ကျစ်ကျစ်မြည်အောင် ဆုပ်
လို့ ။ သုံးလွန်းတင် ကြိုးခွေကြီး လွယ်ပိုးနေကျ ပခုံးသားမာမာဟာ ချက်စူ
အခေါင်းကို မမောစတမ်း ထမ်းလို့ ။ သူ့ မျက်နှာသာ ပိတ်စ တစ်စဆိုရင်
ချည်မျှင်ဆန်တဲ့ အကွက်အဆန်း
တွေဟာ ဝမ်းနည်းမှုတွေပဲ ဖြစ်လိမ့်မယ်။
ရွာမှာ အုန်းပင်တက်သမားက ချက်စူနဲ့ ဖိုးအေး နှစ်ယောက်တည်းဆိုတော့
ရဲဘော်ရဲဖက် အိုးစားဖက်ကြီးတစ်ယောက် ဆုံးရှုံးရသလို ဖိုးအေး ခံစားနေရပုံရတယ်။ ချက်စူ
အလောင်းမြေကျတဲ့အထိ ဖိုးအေးရှိနေတယ်။
ချက်စူရဲ့ မြေပုံမို့ မို့ ကို တလှည့် နေလောင်ထားတဲ့ ကြေးနီရောင်မျက်နှာမှာ
ချွေးပူပူ စိုနေတဲ့ ဖိုးအေးကို တလှည့်ကြည့်ပြီး ကျုပ်စိတ်တွေ လေးလံကျပ်ခဲလာတယ်။
အာရုံထဲမှာ ဖိုးအေး။ ဖိုးအေးလေး ဒီလို အဖြစ်ဆိုးမျိုးနဲ့ မကြုံပါစေနဲ့ လို့ ကျုပ် ထပ်ခါတလဲလဲ
ဆုတောင်းနေမိတယ်။
အတွေးတွေ တပွေ့ တပိုက်နဲ့ အသုဘ ပို့ ပြီးပြန်အလာ
ဦးအုန်းမြိုင်ရဲ့ အုန်းတောကြီးနား အရောက် ကြားလိုက်ရတဲ့စကားက
ကျုပ်ဆံပင်တွေကို ထောင်ထ သွားစေတော့တာပဲ။
“ကိုချက်စူကြီး သေသွားတာ သားတို့ အတွက်တော့ မဟာဆုလာဒ်ကြီးပဲနော် အဖေ”
“ဘာဖြစ်လို့ လဲ ငါ့သားရ”
“အဖေကလည်း ဝေးလိုက်တာ။ အခုဆို အုန်းတောရွာမှာ
အုန်းပင်တက်သမားက ဖိုးအေး တစ်ယောက်ပဲ ရှိတော့တယ်လေ။ နောက်ဆို ရွာထဲက လူတွေ
အုန်းသီးလိုရင် ဖိုးအေးကိုပဲ လာငှားကြတော့မှာ။ သားတို့ အတွက် ဝင်ငွေ
တိုးပြီပေါ့”
“ဟာ...ငါ့သားက အလာကြီးပဲ။ စီးပွားရေး ဈေးကွက်တောင် မြင်တတ်နေပြီ။
အဖေ ခြေရာကို နင်းနိုင်တယ် ဟားဟား”
ကျုပ်နားထဲ သံရည်ပူတွေ လောင်းချလိုက်သလိုပဲ။
မေတ္တာတရား၊ ကိုယ်ချင်းစာတရား ရှားပါးလွန်းတဲ့ လူတွေ။ ငွေမျက်နှာ
တစ်ခုတည်းကိုပဲ စေ့စေ့ ကြည့်ချင်ကြတဲ့ လူတွေ။ ဒီလို လူမျိုးတွေရဲ့
လက်ထဲကနေ ဖိုးအေးလေးကို ကျုပ် အလျှင်အမြန် လွတ်မြောက်စေချင် နေမိတယ်။
ဒီအုန်းခြံကြီးဘေးကနေ ဖြတ်လျှောက်မိတဲ့ ကျုပ်ခြေထောက်တွေကိုပဲ
ဖြတ်ပစ်လိုက်ချင်ရဲ့။ ကြွေကျနေတဲ့ အုန်းလက်ခြောက် အောက်မှာ ပုပ်ပွနေတဲ့
ကြွက်သေနံ့ က ကျုပ်နှာခေါင်းထဲကို ထောင်းခနဲဝင်လာတာ ပျို့ အန်မတတ်ပဲ။ ဖိုးအေးလေး
အတွက် ခံစားနေရတဲ့ ကျုပ်ရဲ့ ဝေဒနာတွေကိုလည်း တစ်စမကျန် အန်ထုတ်ပစ်လို့ ရရင်
ကျုပ် အန်ထုတ်ပစ်လိုက်ချင်တယ်။
ဒီပုပ်ပွနေတဲ့ ကြွက်သေကရော ဦးအုန်းမြိုင်ရဲ့ အုန်းသီးနုနုတွေကို ကိုက်ခဲ့မိ
ပြီ ထင်တယ်။ ကြွက်သေတွေ ဘယ်နှကောင်တောင် ရှိနေပြီလဲ။
(၄)
ဦးအုန်းမြိုင် မြို့တက်ပြီး အုန်းသီးတွေ စက်လှေနဲ့ သွားပို့ တဲ့ တစ်နေ့ ။
ကျုပ် ဖိုးအေးဆီ လစ်ထွက်လာခဲ့တယ်။ အကြောင်းရင်းကတော့ ဖိုးအေးကိုသတိပေးစကား
ပြောဖို့ ။အုန်းခြံထဲရောက်တော့ အုန်းလက်ခြောက်တွေကို ဓါးပါးကလေးနဲ့ သပ်သင်နေတဲ့
ဖိုးအေးက အခန့် သင့်။
ကြည့်စမ်းပါဦး။ ဦးအုန်းမြိုင်ရဲ့ ကြိုးဆွဲရာမှာ အလိုက်သင့် လှလှပပ အသုံးတော်ခံ ကပြ ဖျော်ဖြေနေတဲ့ ရုပ်သေးကလေး။
ဦးအုန်းမြိုင်ရဲ့ စီးပွား ဖွံ့ ဖြိုးတိုးတက် ကြီးပွားဖို့ အတွက်
အုန်းလက်တံမြက်စည်းတွေ လုပ်နေတဲ့ ဖိုးအေး။
“ဟာ..ကိုကြီးသြပါလား။ လာဗျာ...ဘာကိစ္စလဲ။ ဘကြီးအုန်းမြိုင်နဲ့ တွေ့ ချင်လို့ လား။
သူ မရှိဘူးဗျ။ မြို့ကို အုန်းသီးသွားပို့ တယ်”
“ မင်းနဲ့ စကားလေးဘာလေး ပြောချင်လို့ ပါ ဖိုးအေးရာ၊ ဦးအုန်းမြိုင်မရှိတုန်း လစ်လာရတာ”
ဖိုးအေးက ရယ်ကျဲကျဲလုပ်နေရင်း...
“ ဘကြီးအုန်းမြိုင် ရှိလည်း လာလို့ ရတာပဲ ကိုကြီးသြရာ..ကျွန်တော့်မှာ စကားပြောဖော်ဆိုလို့ 
အုန်းပင်တွေပဲရှိတာဗျ”
ဖိုးအေးရဲ့ အထီးကျန်နေ့ ရက်တွေကို ကျုပ်ကောင်းကောင်းကြီး ကိုယ်ချင်းစာနာပါတယ်။ တစ်နေ့ တစ်နေ့ အုန်းသီး၊ အုန်းလက်၊ အုန်းရွက်တွေနဲ့ ပဲ အလုပ်ရှုပ် အချိန်ကုန်နေတာ။ ပျော်ရွှင်စရာ၊
ကြည်နူးစရာဆိုတာ ဖိုးအေးအတွက် သူစိမ်းဆန်တဲ့ ဘာသာစကားတွေများ ဖြစ်နေပြီလား။
အုန်းပင်ထက်က တအားအား အော်နေတဲ့ ကျီးအာသံတွေက ကျုပ်တို့ ၂ယောက်ရဲ့ နောက်ခံ
တေးပဲ။ ကျုပ်..ဖိုးအေးကို ခရားက ရေလွှတ်သလို စကားတွေ အများကြီးပြောနေမိတယ်။ အဓိကကတော့
အုန်းပင်တက်တဲ့ အခါ သတိဝရိယနဲ့ တက်ဖို့ ။
ဖိုးအေးကတော့ ကျုပ်စကားတွေကို တလေးတစားနဲ့ ခေါင်းတညိတ်ညိတ် လုပ်နေရှာတယ်။
ပြန်ခါနီးမှာ ကျုပ် ဖိုးအေးကို စကားတစ်ခွန်း မေးမိတယ်။ “ဒီအုန်းတောကြီးထဲမှာပဲ တစ်သက်လုံးနေ
သွားတော့မှာလား” ဆိုတာ။ ဖိုးအေး ဖြေရ ခက်ခဲ ကျပ်တည်းသွားပုံရတယ်။ သင်ပြီးသား အုန်းလက်ကြောတွေကို စိုက်ကြည့်နေတာ အကြာကြီး။
ခပ်လှမ်းလှမ်းမှ အုန်းသီးတစ်လုံးကြွေကျသံက “အုန်း”ခနဲ။
(၄)
တစ်ရွာလုံးမှာ ရှိတဲ့ အုန်းပင်တွေကို
မနားမနေတက်နေရတဲ့ ဖိုးအေးလေးကို ကြည့်ပြီး ကျုပ်ရင်တွေ
နာနာကျင်ကျင်ဖြစ်နေတယ်။
ပညာရှာရမယ့် အရွယ်မှာ လောကဓံရဲ့အထုအထောင်းကို ကောင်းကောင်းကြီး
ခံနေရရှာ တဲ့ကလေးတစ်ယောက်။ ကြမ်းတမ်းခက်ထန်လွန်းတဲ့ ဘဝခရောင်းလမ်းမှာ မနိုင်ဝန်ထမ်းနေရတဲ့  လူငယ်လေး။
ကျုပ် ဖိုးအေးအတွက် ဂရုဏာထား
ပင့်သက်ချပေးရုံကလွဲပြီး ဘာမှ မတတ်နိုင်။ ဖြစ်နိုင်ရင် ဒီဒုက္ခတောကြီးထဲကနေ
ဖိုးအေးလေးကို အမြန်ဆုံး ဆွဲထုတ်ကယ်တင် ပေးချင်နေမိတယ်။
“ကိုရင်သြရေ...ကိုရင်သြ၊ ကျုပ်တို့ တစ်ရွာလုံးအတွက် သတင်းကောင်းပဲဗျို့ ”
မြကြီးရဲ့ ဝမ်းသာအဲလဲ အသံက ကျုပ်ရဲ့ အတွေးယာဉ်ကြောကို တိခနဲ မြည်အောင် ဖြတ်တောက်ပစ်လိုက်တယ်။
”ဘယ်လို သတင်းကောင်းလဲဗျ ကိုမြကြီးရ”
ကျုပ် အငမ်းမရမေးလိုက်တော့ မြကြီးကလည်း ဝမ်းသာအဲလဲနဲ့ ...
“ ရန်ကုန်ကရောက်လာတဲ့ ရွာဦးကျောင်း သိမ်ဒကာလင်မယားက ဖိုးအေးလေးကို အမွေစားအမွေခံ မွေးစားချင်လို့ တဲ့ဗျ”
”ဟာ...တကယ်လား ကိုမြကြီး”
ကျုပ် ကိုယ့်နားကိုယ်တောင်မယုံချင်။ အိပ်မက်များလားလို့ ကိုယ့်အသားကိုယ်
ဆိတ်ကြည့်လိုက်တယ်။ မဟုတ်။ ရင်ဘတ်ထဲ ပျော်ရွှင်ခြင်းတွေ ရွှဲရွှဲဆိုအောင် ရွာပြီ။
“တကယ်ဗျာ။ ဖိုးအေးလေးရဲ့ ဘဝကို သနားဂရုဏာ သက်ပြီး
ကြားကြားချင်းမြင်မြင်ချင်း အမွေစားအမွေခံ မွေးစားမယ်ဖြစ်ကုန်တာ။
ခု..ဆရာတော်နဲ့ တိုင်ပင်ပြီး ဦးအုန်းမြိုင်ဆီမှာ မွေးစားခွင့်
သွားတောင်းဖို့ စီစဉ်နေကြတယ်”
ရင်တွေ တဆတ်ဆတ် တုန်ခါသွားရတဲ့ အထိ ဝမ်းသာပီတိအစုံက
ကျုပ်ရင်ဘတ်ကြီးကို တဝုန်းဝုန်း ရိုက်ခတ်သွားတယ်။ ကံတရားဆိုတာ တယ်လည်း တန်းကြယ်လွန်း ပါလား။ ပက်ကြားအက်
အက်ကျဲကျဲကြီးထဲ အမှတ်မထင်ရွာချပေးလိုက်တဲ့ မိုးရေစက်တွေကို ကျုပ် သိပ်ကျေးဇူးတင်နေမိတယ်။
ကျုပ် သတင်းကြားရသလောက် သူဌေးလင်မယားဟာအတော်ချမ်းသာတယ်ဆိုပဲ။ ဆရာတော် ရန်ကုန်မြို့ကြီးဆီ ဘူရားဖူးသွားရင်း ဆုံခဲ့တာတဲ့။ ဆရာတော့်ကိုကြည်ညိုလွန်းလို့ 
ရွာအထိလိုက်လာပြီး ရွာဦးကျောင်းမှာ သိမ်ဆောက်လုပ်လှူဒါန်းပေးတာတဲ့။ အဲဒီ သူတော်ကောင်း
လင်မယားက ဖိုးအေးကို အမွေစားအမွေခံ မွေးစားမယ်ဆိုတော့ ကျုပ်ထက်ပျော်တဲ့သူတောင် ကျုပ်လောက် ပျော်မှာ မဟုတ်ဘူး။
ဖိုးအေးရေ...မင်းဘာမှ အားမငယ်နဲ့ ။ မင်းဘာမှ
စိတ်ဓါတ်မကျနဲ့ ။ ကံကောင်းခြင်းတွေ မင်းဆီကို တားဆီးလို့ မရအောင်
စီးဆင်းလာပြီကွ။
ကောင်းကင်ပြာပြာမှာ ဗီလိန်တိမ်မည်းတွေ ကင်းစင် လှပသာယာနေပြီ
ဆိုတာ ကျုပ်မကြည့်ဘဲနဲ့  သိလိုက်ပြီ။
(၅)
“မွေးစားခွင့် ဟုတ်လား ၊ မပေးနိုင်ဘူး ၊ လုံးဝ မပေးနိုင်ဘူး”
ဦးအုန်းမြိုင်ရဲ့ အသံနက်နက်ကြီးက အုန်းပင်ထက်က ကျီးကန်းတွေကိုတောင်
မြည်သံစွဲ အလင်္ကာနဲ့  ဝေါခနဲ ထပျံသွားစေတယ်။ သူဌေးလင်မယားရော၊ ဥက္ကဌရော၊ ရပ်မိရပ်ဖ
တချို့ ရော လန့် သွားတာတော့ အမှန်ပဲ။ မျက်နှာကြီးရဲပြီး ဒေါသတကြီးဖြစ်နေပုံ ထောက်ရင် ချက်ကောင်းကို ထိသွားပုံရတယ်။
တောက်တစ်ချက်ကို ကျုပ် စိတ်ထဲကနေ ကြိတ်ချေပစ်လိုက်ရတယ်။
တော်တော်မုန်း စရာကောင်းတဲ့ လူကြီး။ လူတစ်ယောက်ကောင်းစားဖို့ ကို လစ်လျူရှု
ပြီး ကိုယ့်ရဲ့အတ္တ၊ ကိုယ့်ရဲ့ အကျိုးစီးပွား ကိုပဲ မျက်စိ
ဒေါက်ထောက်ကြည့်တဲ့ လူကြီး။
ပွဲက ကြမ်းပြီလို့  ကျုပ်တွက် လိုက်တယ်။ သူဌေးလင်မယားကလည်း
အရှိန်အဝါတွေ အောက်ချပြီး တကယ် တောင်းတောင်းပန်ပန်။ ဥက္ကဌကလည်း ဖိုးအေးရဲ့
ဘဝခါးခါးလေး လှပစေဖို့ ဖိအားပေးတယ်။ ဒါပေမဲ့ မရဘူး။ ဦးအုန်းမြိုင်ကြီးက “ဘူး” လုံးလုံး
ကိုခံနေတော့တာ။
“ကျုပ်ကျွေးမွေးစောင့်ရှောက်လာခဲ့တာ ၅နှစ်ရှိလို့ လူတစ်လုံးသူ
တစ်လုံးတောင် ဖြစ်နေပြီ။ ခုမှ ခင်ဗျားတို့ က ဘာဖြစ်လို
့နှမ်းလာဖြူးနေရတာလဲ။ ပြန်ကြပါဗျာ။ ပြန်ကြပါ။ ကျုပ် ဘယ်သူ့ ကိုမှ
မွေးစားခွင့် မပေးနိုင်ဘူး”
လူထူမှ အသံကောင်း ဟစ်ပြနေတာလား ဦးအုန်းမြိုင်ရယ်။
၅ နှစ်လုံးလုံး ကျိန်လုံးတစ်ချောင်းနဲ့ ကျွဲလိုနွားလို ခိုင်းလာခဲ့တာကိုတော့ ထည့်မပြောတော့
ဘူးလား။ ကျုပ်အသည်းတွေရော အူတွေရော ယားလိုက်တာဗျာ။
သူ့ စီးပွားရေးရဲ့ ရေရှည်စီမံကိန်းမှာ ဖိုးအေးလေးက အဓိက ဇာတ်ကောင်ဖြစ်
နေတော့ ဆတ်ဆတ်ခါနေပုံရတယ်။ အဲဒီလို အဓိကဇာတ်ကောင် ဖြစ်အောင်ပဲ သူက ဇာတ်လမ်း
ဆင်ခဲ့တာပေါ့။
သူဌေးလင်မယားကလည်း လက်မလျော့ဘူး။
ဆက်ပြီးတိုက်ပွဲဝင်တယ်။ သားသမီးကလည်း မရှိတော့ ဖိုးအေးကို မြင်မြင်ချင်း
သံယောဇဉ်ဖြစ်သွားကြတာ။ အံ့ သြစရာ
ကောင်းတာက ၁၅ နှစ်သားအရွယ် ကို မွေးစားမယ်ဆိုတာပဲ။
သံယောဇဉ်၊ မေတ္တာတရား
ဆိုတာကလည်း နက်ရှိုင်းလွန်းပါလား။ အသက်အရွယ်အပိုင်း အခြားနဲ
့မဆိုင်ဘူးလို့ ကျုပ်ထင်တယ်။
ရွာသူရွာသားတွေ အားလုံးကလည်း သူဌေးလင်မယားဘက်မှာ။ မနေသာတော့တဲ့ အဆုံး
ဆရာတော်ကပါ လောကီရေးရာထဲ ဝင်လာရတော့ ဦးအုန်းမြိုင်အကြပ်ရိုက်သွားတယ်။
နောက်ဆုံး ငွေမက်တဲ့သူကို ငွေနဲ့ မျှားရမယ်ဆိုတဲ့ သီဝရီက ဒီနေရာမှာ ဒဲ့ပဲ။
“၁၀ သိန်းပေးမှ မွေးစားခွင့်ပေးနိုင်မယ်။ ကျုပ် ၅ နှစ်လုံးလုံး
ကျွေးမွေးစောင့်ရှောက်ခဲ့တဲ့စရိတ်တွေ၊ ပြီးတော့ ဒီကောင်လေးမရှိတော့ရင် ကျုပ်ရဲ့ စီးပွားရေးက အများကြီး နစ်နာဦးမှာ”
၁၀ သိန်း။ ကျုပ်ရော၊ ရွာသူရွာသားတွေရော မျက်လုံးတွေ ပြူးထွက်
သွားပါသကော။ နည်းတဲ့ ပမာဏ မဟုတ်ဘူး။ ကျုပ်တို့ တောသူတောင်သား လက်လုပ်လက်စားတွေအဖို့ 
ဒီငွေကြေးထုထည်ဟာ နေ့ ခင်းကြောင်တောင် အိပ်မက်အကြီးကြီးမက်နေရသလိုပဲ။
ကျုပ် ဦးအုန်းမြိုင်ရဲ့ ငယ်ထိပ်ကို ဖနှောင့်နဲ့ တက်ပေါက်ချင်လောက်အောင်
ဖြစ်သွားတယ်။ ကျုပ်တစ်သက်မှာ ဘယ်တော့မှ မတွေ့ မမြင်ဖူးခဲ့တဲ့
လူရောင်းဝယ်မှုကြီးလေ။
သူဌေးလင်မယားကလည်း ချေးမများ ဈေးမဆစ်။ ပြတ်တယ်။
ပေးမယ်တဲ့။ တစ်ရွာလုံး အုန်းအုန်းကြွက်ကြွက်ပဲ။ ဖိုးအေးလေးအတွက်
ဝမ်းသာကြည်နူးပျော်မြူးလို့  မဆုံးတော့ဘူး။
(၆)
“ဦးဦး ဒေါ်ဒေါ် တို့ ရဲ့ စေတနာ မေတ္ထာ နဲ့ 
ဂရုဏာတရားတွေကို သားတလေးတစား အသိအမှတ် ပြုပါတယ်။ သားအဖေ မဆုံးပါးခင်က
သားကို ဆိုဆုံးမသွားတဲ့ စကားတစ်ခွန်း ရှိပါတယ်။
ကျေးဇူးတစ်ပေါက်တစ်စက်ကို ရေတံခွန်လောက်ပြန်ဆပ်ပါတဲ့။ ကျေးဇူး
သိတတ်တယ်ဆိုတာ မင်္ဂလာတစ်ပါးတဲ့။ ကျေးဇူးပြန်ဆပ်တယ်ဆိုတာ ပိုပြီးမြင့်မြတ်တဲ့ မင်္ဂလာ
တရားတဲ့။ အဖေ့အသံ သြသြကို သားနားထဲမှာ ခုထိ စွဲထင်ကျန်ရစ်နေတုန်းပဲ။ သားကို မွေးပြီး သားအမေဆုံးတယ်။ အမေကိုတောင် မမြင်ဖူးခဲ့တဲ့ ဘဝပါ။ အဖေကလည်း သား ၁၀ နှစ်သားအရွယ်မှာ သားကို ထားသွားပြန်တယ်။ မိဘငတ်နေသူတစ်ယောက် အနေနဲ့ မိဘဆိုဆုံးမခဲ့တဲ့စကားလေး
တစ်ခွန်းကိုတော့ သား...တန်ဖိုးထား လိုက်နာပါရစေ။
ဘကြီးအုန်းမြိုင်ရဲ့ကျေးဇူးတရားက သားအပေါ်မှာ ဆပ်လို့ မကုန်နိုင်အောင်
များပြားလှပါတယ်။ဒါကြောင့်... ဘကြီးအုန်းမြိုင်ရဲ့ အုန်းတောကြီးထဲမှာ နေပြီးဘကြီးရဲ့
ကျေးဇူးတရား တွေကို သားဆပ်သွားပါရစေ။ သားကို နားလည်ခွင့်လွှတ်ပေးကြပါ ခင်ဗျာ”
ဘယ်သူမှ ထင်မှတ်မထားတဲ့ စကား။ ဘယ်သူမှ
ကြိုတွက်မထားတဲ့ ဆုံးဖြတ်ချက်။ သူဌေးလင်မယားရော ၊ ဦးအုန်းမြိုင်ရော
၊ကျုပ်ရော၊ ရပ်မိရပ်ဖတွေရောအားလုံးအံ့သြမင်တက်ဖြစ်
သွားကြတာ ပါးစပ်ဟောင်းလောင်းကြီးတွေနဲ့ ။
အဲဒီနောက်...အုန်းလှီးဓါးထက်ထက်ကို
ခါးမှာချိတ်၊ သုံးလွန်းတင် ကြိုးခွေကြီးကိုထမ်းပြီး အုန်းတောထဲကို ဖိုးအေး ဝင်သွားတယ်။
လင်းလက်တာရာ
၆၊၁၊၂၀၁၃
ဖတ်သွားတယ် လင်းလက်ရေ။ အရေးအသားနဲ့ အတွေးအခေါ်တွေ ဘာမှပြောစရာမလိုအောင် ကောင်းပါတယ်။
ReplyDeleteခေတ်ကိုပြင်နိုင်မဲ့ စာတွေကဗျာတွေ များများရေးနိုငိပါစေလို့ ဆုတောင်းပေး ပါတယ်နော်။