ဒီကအဘွား နေမကောင်းဘူးမေမေ။ အိမ်ကအဘွားရော နေကောင်းရဲ့ လား။
ဒီကအဘွားတော့ သွေးသွင်းနေရတယ်။ အိမ်ကအဘွားရော အချိန်မှန်ဆေးခန်းပြရဲ့ လား။
ဒီကအဘွားရဲ့ သားနဲ့ သမီးကတော့ တစ်ပတ်တစ်ခါတော့ လာတယ်။ မုန့် တွေ၊ သစ်သီးဝလံတွေ၊
အားဖြည့်ဖျော်ရည်တွေ။ အကောင်းစားတံဆိပ်တွေ စုံလို့ ။လိုလေသေးမရှိဘူး။ ဒီကအဘွားအတွက်လေ။
ဦးဦးနဲ့ ဒေါ်ဒေါ်ရော အိမ်ကအဘွားဆီ လာရဲ့ လား။ မုန့် တွေ၊ သစ်သီးဝလံတွေ၊ အားဖြည့်ဖျော်ရည်တွေရော ပါရဲ့ လား။
ဒီကအဘွားကတော့ ညညဆိုတော်တော်နဲ့ မအိပ်နိုင်ရှာဘူး။ ညည်းတယ်။ သမီးကတော့ သန်းခေါင်ရွေးဘူး။
ဆေးတိုက်ပေးတယ်။ နင်းနှိပ်ပေးတယ်။ သေးချေးကအစ စေတနာအပြည့်နဲ့ ပြုစုပေးတယ်။
အိမ်ကအဘွားရော ကောင်းကောင်းအိပ်ပျော်ရဲ့ လား။ ညညဆို ထထညည်းလား။
သေးချေးကအစ၊ ဆေးတိုက်နင်းနှိပ် စေတနာအပြည့်နဲ့ ပြုစုပေးတဲ့သူရော ရှိရဲ့ လား။
ဒီကအဘွားကတော့ စိတ်သွားတိုင်း ကိုယ်မပါနိုင်ရှာဘူး။ တစ်ခါတခါ တစ်ယောက်တည်းစိတ်တိုနေတာ။
ကိုယ့်ကိုယ်ကို အလိုမကျဖြစ်နေတာ။ သမီးကိုလည်း ဟောက်တဲ့အခါဟောက်။ တွေ့ ကရာနဲ့ ပေါက်တဲ့အခါပေါက်။
အိမ်ကအဘွားရော တစ်ယောက်တည်းစိတ်တိုနေလား။ ကိုယ့်ကိုယ်ကို အလိုမကျ ဖြစ်နေလား။
ဟောက်တဲ့အခါဟောက်။ တွေ့ ကရာနဲ့ ပေါက်တဲ့အခါ ပေါက်နေလား။
ဟိုတလောက ဒီကအဘွား ခုတင်ပေါ်က ပြုတ်ကျတယ်။ သူ့ သားနဲ့ သမီးဆို သမီးကို ငေါက်လည်းငေါက်တယ်။
ဆူလည်းဆူတယ်။ ဆဲလည်းဆဲတယ်။ နေစရာ မရှိလောက်အောင်ပဲ သမီးကြာက်တယ်။
သမီးငိုတယ်။ သမီးမျက်ရည်ကျတယ်။ အိမ်ကအဘွားရော ခုတင်ပေါ်က ပြုတ်ကျသေးလား။
အရေးတယူ၊ စိုးရိမ်တကြီး၊ အဘွားအတွက် ပျာယာခတ်နေသူတွေရော ရှိရဲ့ လား။
ဒီကအဘွားကတော့ တစ်ခါတလေ ဝမ်းနည်းတကြီးငိုတယ်။ တစ်စုံတရာကို တွေတွေကြီးငေးပြီး မျက်ရည်ကျတယ်။
အိမ်ကအဘွားရော ဝမ်းနည်းတကြီးငိုနေလား။ တစ်စုံတရာကို တွေတွေကြီးငေးပြီး မျက်ရည်ကျနေလား။
ဒီကအဘွားကတော့ အပျိုပေါက်လေးတစ်ယောက်လို စိတ်ကောက်လွယ်တယ်။ သမီးခွံ့ မကျွေးရင်မစားဘူး။
အိမ်ကအဘွားရော အပျိုပေါက်လေးတစ်ယောက်လို စိတ်ကောက်လွယ်လား။ ခွံ့ မကျွေးရင်ဘာမှ မစားဘူးလား။
ဒီကအဘွားကတော့ ပီဘိကလေးလေးလိုပဲ။ သမီးကို သီချင်းဆိုပြခိုင်းတယ်။ ကပြခိုင်းတယ်။
သမီးသီချင်းဆိုပြတဲ့အခါ မျက်လုံးကျဉ်းကျဉ်းလေးကို မြုပ်ဝင်အောင် ပြုံးတယ်။
သမီးကပြတဲ့အခါ ရှေ့ သွားလေးနှစ်ချောင်းတည်းနဲ့ အပူပင်ကင်းကင်းရယ်တယ်။
အိမ်ကအဘွားကိုရော သီချင်းဆိုပြတဲ့သူ ရှိရဲ့ လား။ ကပြတဲ့သူ ရှိရဲ့ လား။ မျက်လုံးကျဉ်းကျဉ်းလေးကို
မြုပ်ဝင်အောင် ပြုံးရဲ့ လား။ ရှေ့ သွားလေးနှစ်ချောင်းတည်းနဲ့ အပူပင်ကင်းကင်း ရယ်ရဲ့ လား။.
ဒီကအဘွားကတော့ စိတ်ပျော်တဲ့နေ့ တွေဆို သမီးကို မွှေးမွှေးပေးတယ်။ အိမ်ကအဘွားမှာရော
စိတ်ပျော်တဲ့နေ့ တွေ များများစားစားရှိရဲ့ လား။ ကပြတဲ့သူရော ရှိရဲ့ လား။
တရုတ်နှစ်သစ်ကူးနေ့ က သမီး အမ်ဘောင်းတွေ အများကြီးရတယ်။ ဒီကအဘွားကရော
သူ့ သားနဲ့ သမီးကရော ပေးကြတာ။ ဒေါ်လာတွေ။ အဝတ်အစားအသစ်တွေ။
အိမ်ကအဘွားမှာရော မြေးတွေကိုမုန့် ဖိုးပေးဖို့ ကိုယ်ပိုင်ပိုက်ဆံရော ရှိရဲ့ လား။
ဘာလိုလိုနဲ့ ၂နှစ်တောင်ပြည့်ပြီ။ ဒီကအဘွားက သမီးကိုမပြန်ဖို့ ပြောတယ်။ သမီးရှိမှ ဖြစ်မယ်လို့ ပြောတယ်။
သူ့ သားနဲ့ သမီးကလည်း သမီးကို မပြန်ဖို့ အတင်းတားတယ်။ လစာတိုးပေးမယ်လို့ ပြောတယ်။
အိမ်ကအဘွားဆီ သမီးပြန်လာချင်ပေမယ့် သမီးပြန်လို့ မဖြစ်သေးဘူး။ ဒီကအဘွားလိုပဲ အိမ်ကအဘွားကလည်း
ပိုက်ဆံတွေအများကြီးကုန်မှ ဘဝရဲ့ နေဝင်ရီတရော နေ့ ရက်တချို့ ကို ဆွဲဆန့် ထားနိုင်မှာမဟုတ်လား။
သမီး ပတ်စ်ပို့ သက်တမ်းတိုးလိုက်ပြီ မေမေ။ ။
18.5.2012
No comments:
Post a Comment